مشروعك من المنزل ... ازاي تكسب من النت .... ازاي تشتغل مسوق عقاري ؟؟؟

السلام عليكم ورحمة الله وبركاتة 
الحمد لله رب العالمين والصلاة والسلام علي رسول الله محمد صل الله علية وسلم 

ازاي تشتغل من البيت  
ازاي تشتغل من النت وتكسب فلوس 
مشروع السمسار المنزلي 
محتاج 3 حاجات 
1- موبايل 
2- نت 
3- تدخل في بحث الفيس وتكتب كلمة عقارات  المحلة  مثلا 
اكتب كلمة عقارات وبعدها اسم محافظتك 
يعني عقارات المحلة 
عقارات الأسكندرية 
عقارات المنصورة 
وهكذا 
واشترك في كل الجروبات 
وخلي معاك كراسة او نوتة او اجندة 
هتلاقي حاجتين اما ناس بتطلب شقق بمواصفات معينة 
واما ناس بتعرض شقق بمواصفات معينة 
يعني النت عبارة عن  عرض وطلب 
دورك توفق بين الأتنين 
بقي مثلا معاك عرض شقة  والمواصفات دي حد تاني طالبها 
بتدخل تكلم الأتنين علي الخاص 
وتفهم انك بتشتغل مسوق عقاري 
وان لو حصل نصيب  بيبقي ليك نسبة 
طبعا الأيجار معروف نسبة نص شهر من صاحب الشقة ونص شهر من المستأجر 
اما بالنسبة 
للتمليك معروف انة نسبة 1% من صاحب الشقة و1% من المشتري 

وبتوصل الطرفين ببعض  بتدي ارقام تليفوناتهم لبعض 
وبتعرف الطرفين تقولة لكل واحد منهم يقول للطرف التاني 
انا طرف الإستاذ ...... اسمك 
اية معني السمسرة ؟؟؟؟ يعني وسيط يعني همزة وصل 
بين بائع ومشتري 
والكلام دة في جميع المجالات سيارات   عقارات 

ممكن طبعا تعمل صفحة او جروب تضيف اصحابك فية

اتعرف علي سماسرة المنطقة  كتير منهم ملهمش او غير مهتمين بالنت 
فدة هيكون دورك 
لأن ناس كتير بقت بتدور علي شقق ومحلات من خلال الفيس والنت وموقع olx 
والحسنة الي بتيجي  ممكن تقسمها مع سمسار 

ميزة الشغل دة انة بدون رأس مال 

دة غير انك ممكن تكبر الموضوع وتعمل مشروع محل مكتب للتسويق العقاري 

حدد وقت للشغل ثابت كل يوم 
ممكن تشتغل سواء انت طالب 
او جنب شغلك 
للشباب والأخوات 

اهتم يكون معاك نوتة تسجل فيها المساحة  المبلغ المطلوب سواء ايجار او تمليك 
رقم التليفون 
لو تقدر تصور الشقة صور او فيديو 

الموضوع كلة محتاج شوية صبر وتجربة  انت مش خسران اي حاجة 
ممكن تعملها في وقت فراغك 


فكرة 
ممكن تجيب ورقة تلزقها في اي محل سوبر ماركت  زي اعلان كدة 
يوجد شقق تمليك وايجار بأسعار مميزة 
وزود رقم تليفونك 

ربنا يرزقنا جميعا بالحلال 
ربنا يوسع علينا جميعا 

اتمني لو حد نفذ الفكرة او المشروع يفرحني في التعليقات 
نحب الخير لبعض 
نساعد بعض 
نقف مع بعض 
جزاكم الله خيرا 
والسلام عليكم ورحمة الله وبركاتة 
اخوكم الصغير 
#سمير_محترم 

واصل القراءة...

ازاي تسيطر علي السوق ؟؟؟ وتكون مميز مثال (مزارع دينا )

السلام عليكم ورحمة الله وبركاتة
حلقة انهاردة ان شاء الله عن الميزة التنافسية

ازاي تبقي مميز في السوق
ازاي تسيطر علي السوق
ازاي تكون الوحيد في السوق
الطريقة انك تعمل حاجة مختلفة عن كل الي موجودين
وهنضرب بعض امثلة عن شركات العصائر
نستلة
بيتي
بست
لمار
جهينة
لاكتيل
مراعي
كل دي شركات دخلت في سكة عمل عصائر
شركات عملت مشروب شعير او غازي
زي بيبسي وفيروز وشويبس
شويبس عملت الجديد فتميزت لما عملت شويبس جولد مشروب شعير خوخ واناناس

عاوز اتكلم عن شركة مزارع دينا عملت لبن بالتمر
تخيل كل شركات كبيرة محدش فيهم فكر يعمل لبن بالتمر
الوحيدة الي عملت لبن بالتمر هي مزارع دينا

حاول متقلدش فكر في الجديد
انك تعمل حاجة جديدة غيرك مش عاملها

مثال تاني لمنتج نجح جدا في مصر ألا وهو مشروب راني
اية الي ميزة ؟؟؟
انة عمل مشروب خوخ محدش عملة قبلة
اية تاني ؟؟؟؟ انة عمل مشروب بقطع خوخ

نجح بفكرة !!! فكرة جديدة محدش قبلة فكر فيها او عملها ألا وهي قطع الخوخ


افكار جديدة بقترحها
ما تيجو نعمل موز باللبن بالقطع
جوافة باللبن بقطع
زبادو لاكتيل جهينة عاملين عصائر مشروب زبادي بالفاكهة

طب ما تيجوا نعملة بالقطع !!!!!
زبادو بقطع مانجا
زبادو بقطع الفراولة
زبادو بقطع الخوخ

انك تجدد
مثلا لمار الوحيدة الي عملت عصير برقوق ونجحت
ممكن تكون فكرتك في شكل وتغيير الشكل زي
في شركة عملت عصير مانجا اسمة yes
علي شكل ازازة بزازة والأطفال بيحبوا العصير دة جدا
يارب الحلقة تعجبكم وتستفادوا منها
جزاكم الله خيرا
والسلام عليكم ورحمة الله وبركاتة

واصل القراءة...

حل مشكلة البطالة في كلمتين لية وازاي ؟؟؟ (فكرة قاموس المشاريع الصغيرة)(ابليكيشن مندوبي)

السلام عليكم ورحمة الله وبركاتة



ملخص مشكلة البطالة في كلمتين
اية وازاي ؟؟؟
جزء اول اعمل مشروع اية ؟؟؟
مشروع يكون مناسب لرأس مال الشاب
واتمني هنا تدخل الدولة تعرف الشباب المشاريع الي محتاجاها الدولة
والمشاريع الي عبارة عن صناعات صغيرة لأي حاجة بنستوردها بدل ما بنستوردها نصنعها هنا في مصر
وان شاء الله يكون في تكاتف بين جميع الوزارات الشباب والقوي العاملة والزراعة والإستثمار والتجارة والبنوك والجمعيات الخيرية ومجلس المدينة بكل محافظة للدورات والكورسات والتدريبات والصندوق الإجتماعي للتنمية
مشاريع صغيرة صناعات صغيرة زراعات
يتم عمل شراكات بين الشباب تحت اشراف الدولة

2- جزء ثاني فكرة مشروع قاموس المشاريع الصغيرة
الفكرة الي تناسب شخصيتك وتناسب رأس مالك وتناسب تعليمك
3- ابليكيشن وموقع فية جميع افكار مشاريع صغيرة ومتوسطة

جزء تاني من مشكلة البطالة ازاي ؟
اي مشروع بعد الفكرة بتيجي المرحلة الثانية مين يعلمني
صيانة محمول
صيانة تكييف
صيانة كمبيوتر
محل حلاقة
محل فطير وبيتزا وحوواشي
اي مشروع محتاج فية لمعلومة وتدريب
عايز تعرف تجيب منين تلاجات وفين تاجر جملة
تطبيق وموقع مندوبي تعرف ارقام تليفونات جميع المندوبين في جميع المجالات
واماكن وارقام تجار الجملة وارقام واماكن المصانع
دة يسهل اقامة مشاريع في جميع المجالات
بيبقي مفيش مشكلة في الفلوس بس اجيب خط انتاج منين ؟
اية الإجراءات القانونية والورق القانوني سجل تجاري بطاقة ضريبية وشهادة صحية
اماكنهم فين في كل محافظة ؟؟؟
حد يعلمني ويدربني اعمل المشروع دة ازاي وميبخلش عليا بالعلم ويديني المعلومة والنصيحة
ودي لها حلين
اما الحكومة في مجلس مدينة تدريب للشباب علي حرف صناعات
تسجيل مشاريع دي وصناعات دي في برنامج تلفزيوني ويتم تنزيلة علي اليوتيوب
او دور جمعيات خيرية
وكان في محاولة فردية وهي فكرة فريق متطوعين شباب مصر لحل مشكلة البطالة
ان يبقي في ناس متطوعين كل انسان مننا علية زكاة علم
يعلم غيرة يساعد غيرة
وفعلا ناس تعاطفت وتعاونت معانا وجمعت ارقام تليفونات وموجودة في الفيس علي صفحة فريق متطوعين شباب مصر لحل مشكلة البطالة
ممكن يدلك علي مشروعة تجيب بضاعة بسعر جملة منين ؟ والمشروع محتاج اقل رأس مال كام للبداية ؟؟؟

جزاكم الله خيرا 

والسلام عليكم ورحمة الله وبركاتة 

اخوكم الصغير 

#سمير_محترم

واصل القراءة...

مشروع تعبئة وتوزيع حبوب الذرة الصفراء السكرية....(بدل استيراد من تايلاند)

السلام عليكم ورحمة الله وبركاتة 


مشروع تعبئة وتوزيع حبوب الذرة الصفراء السكرية
جبت علبة مكتوب عليها 

حبوب الذرة السكرية
حبوب كاملة مفرغة من الهواء




مكونات ذرة ماية ملح 
صنع في تايلاند 
ومستوردة 
علبة حوالي وزن صافي 340 جرام 
الفكرة جت من اننا عندنا درة في مصر 
ما تيجو نعمل المشروع دة في مصر 
تعبئة وتوزيع 
فهمت انة بيدخل في عمل السلطة وطعمة جميل جدا 

انا بشجع اي مشاريع نعملها في مصر بدل إستيراد 
نعمل مصنع في مصر 
نصنع علب تعبئة وتوزيع حبوب الذرة السكرية 

سعر العلبة دي 10 جنية 

ما تيجو نعبي علب زي دي ونحاول نصدرها كمان

واصل القراءة...

فكرة الإستاذ محمد محمود ابليكيشن الممرضين

السلام عليكم ورحمة الله وبركاتة





فكرة الإستاذ محمد محمود ابليكيشن الممرضين
فكرة تطبيق زي اوبر وكريم
بس هنا الفكرة تتعلق بالدكاترة والتمريض 
اي حد مننا بيتعرض ان احد اصحابة او اهل او جيران بيمر بظروف مرض وبيحتاج حد 
للتمريض 
غيار علي الجرح
تركيب محلول 
اخد حقن 
اسعاف اولي 

تطبيق بمجرد ما تتصل بية هيبعت لك اقرب ممرضين ليك برقم تليفونة وصورتة 
خدمة طبية مميزة 
اتصل برقم كذا او حمل تطبيق الممرضين 
فريق عمل من ممرضين هيشتغل تبع التطبيق 

ودي خدمة طبية وخدمة مميزة وخدمة ناس بتحتاجها 
المهم والجديد في الموضوع اننا نربط التكنولوجيا والكمبيوتر والمواقع والتطبيقات والمحمول 
بحياتنا الواقعية علي ارض الواقع وتسخيرها لخدمة المجتمع وخدمة الناس 
وكمصدر دخل ورزق للشباب 

اي تطبيق ابليكيشن او موقع علي النت دور علي حاجة تكون ناس محتاجين لها بكدة نقدر نقولك مبروك 
انت وصلت لفكرة مشروع جديدة 

يارب الفكرة تعجبكم 
ويارب نلاقي حد يتبني الفكرة من ممولين وتنفيذ الفكرة علي ارض الواقع 
جزاكم الله خيرا 
والسلام عليكم ورحمة الله وبركاتة

واصل القراءة...

فكرة مشروع شركة اعلانات مصرية بديل جوجل ادسنس وموقع لإختصار الروابط

شركة اعلانات مصرية بديل جوجل ادسنس

السلام عليكم ورحمة الله وبركاتة


بقي في شركات كتير بتنافس جوجل ادسنس 
وبقي في ثغرة في جوجل ادسنس انة مبيقبلش مدونة بلوجر 
ولازم تكون .com 
وان جوجل ادسنس وضع شروط وصعوبات ومعتش بيقبل اي مدونة 

واي شاب دلوقت ممكن يشتغل او يعمل المشروع دة من بيتة انة يعمل مدونة علي بلوجر 
ويتكلم ويقدم محتوي عن اي حاجة بيحبها يتكلم عن عربيات موتسكلات 
زراعة   حيوانات اليفة    موبيلات   اي مجال بتفهم فية او بتحبة ممكن تتكلم عنة 
وتقدم محتوي جيد ومواضيع جيدة 
وتنشر لينكات المدونة علي الفيس ويوتيوب 
وحسب عدد الزيارات وعدد المشاهدات بيشوفوا الإعلانات بتبدا تحقق ربح من منزلك 

الفكرة الي بتمناها اننا نعمل شركة اعلانات مصرية زي جوجل ادسنس ونسهل ان اي حد يشترك معانا في شركة مصرية 
وان الكل يستفيد ويكسب ويحقق دخل مادي

2- فكرة موقع لإختصار الروابط    شركة مصرية 
اتمني وجود ممولين لأفكار الجديدة للتطبيقات والمواقع 

كل حاجة بقت شغالة وقايمة علي الإعلانات  الفيس بوك  ويوتيوب حتي برامج التلفزيون 
جزاكم الله خيرا 
والسلام عليكم ورحمة الله وبركاتة 
اخوكم الصغير 
#سمير_محترم

واصل القراءة...

فكرة موقع الكتروني مربح ...بديل الفيس بوك جزء 1 و جزء 2

السلام عليكم ورحمة الله وبركاتة 

الحمد لله رب العالمين والصلاة والسلام  علي رسول الله محمد صل الله علية وسلم


مع فكرة مشروع جديدة 
موقع تواصل اجتماعي بديل للفيس بوك 
المهم اية الجديد في الموقع الجديد ؟؟؟؟
دايما لما تعمل مشروع 
دور علي اية الي يميزك ؟؟؟
او 
بتقدم حل لمشاكل او عيوب عند المنافس 
في اي مشروع  في اي تطبيقات موبايل  في اي موقع 
كدة مبروك عليك بقيت منافس قوي 
وتقدر تنزل السوق 
وبقي ليك مكان 
بقي ليك مكانة 
مشروعك او منتجك او الخدمة الي بتقدمها بقي عليها طلب او ليها طلب 
مثلا 
شركات لبن او شيبسي 
نزلت السوق وعندك ميزة تنافسية انك رخصت الاسعار 

ردا علي الناس الي بتقول مش ممكن تنافس الفيس بوك ؟؟؟؟
اقولة انت غلطان 
بدليل ان في دلوقت موقع اسمة تويتر ونجح 
لو كان فكروا او قالوا ما في فيس بوك مش هننجح  مكنش زمان دلوقت بقي في حاجة اسمها تويتر 

ميزة تنافسية  اية الي يميزك عن غيرك   اعرف العيوب عند الأخر او المنافس ليك  وتلافاها او حل المشاكل او ابعد عنها





2-فكرة موقع بديل للفيس بوك جزء 2
السلام عليكم ورحمة الله وبركاتة 
الحمد لله رب العالمين والصلاة والسلام علي رسول الله محمد صل الله علية وسلم 

مشروع موقع بديل الفيس بوك


الفيس بوك بينزل اعلانات اسمة اعلان مدفوع 
والعكس يوتيوب بتكسب فلوس من اعلانات وبتتقاسم الارباح من مقدمي محتوي علي اليوتيوب 
الجديد 
اننا عاوزين نعمل موقع زي الفيس بوك  بيدمج الفكرتين بنجمع بين فكرتين الفيس ويوتويب 

يعني موقع جديد يتقاسم ارباح مع مقدمي محتوي 
يعني لو عملت جروب او صفحة او اي فيديو  زي ما هو موجود علي الفيس 
احنا بقي هنقدم لك لأنك مقدم محتوي وعندك عدد زيارات وعندك مشتركين وعدد مشاهدات  هيبقي ليك نسبة من ربح الإعلانات الي هتظهر عندك حسب عدد المشاهدات وعدد الزيارات 

وفي مواقع كتير للتواصل الإجتماعي ظهرت ونجحت زي تويتر 

اذن ان شاء الله ممكن ننجح وممكن ننافس الفيس 
اهم حاجة 
الثقة في الله 
ثم الثقة في افكارك 
جزاكم الله خيرا 
والسلام عليكم ورحمة الله وبركاتة 
اخوكم الصغير 
#سمير_محترم 

رأيك يهمني في الفكرة ؟؟؟؟!!!

واصل القراءة...