السلام عليكم ورحمة الله وبركاتة
ازيكم يا جماعة وعاملين اية
كالعادة ملخص حل مشكلة البطالة بإذن الله
في كلمتين
ناس مش عارفة تعمل مشروع اية ؟
او عاوزين يعملوا مشروع بس مش عارفين يبتدوا ازاي ؟؟
واهو بنحاول كلنا نساعد بعض باي طريقة واي معلومة
المهم انا بتمني الناس تحكي لنا عن اي مشاريع في المنطقة جنبك
مشاريع ناجحة
ممكن تكون فكرتها تايها عن بال ناس تانية
عاوز احكلكم انهاردة عن مشروع محل مطعم
فية اتنين شباب
وكلمت واحد منهم واتعرفت علية
ودايما ببقي خايف ان الناس محدش هيجاوبني بالمعلومة او يقولي رد وحش
الحمد لله
ربنا بيكرمنا
بلاقي الناس محترمة
عاوز اقول انة قالي ان ممكن المشروع يبدأ ب 8 الاف جنية عبارة عن تلاجة وفرن وبترينة
وممكن ارخص من كدة كمان لو الحاجات دي مستعملة
اللهم صل علي النبي
المشروع شغال وناجح
وحاجة جميلة جدا
ومكنش موجود عندنا في المنطقة
طبعا انا كنت بعدي وفاكر ان اسعارة غالية
لحد ما استغربت جدا واتصدمت
بسألة عن الاسعار قالي
فطيرة بجنية
وبيتزا ب 2.5
وحوواشي ب 2.5
بصراحة فرحت جدا
كشخص جعان او غلبان او اي حد علي اد حالة
بيبقي نفسة يجدد في الاكل
وبجد والله العظيم انا كنت فاكر ان سندوتش الحواوشي بخمسة جنية أقل حاجة يعني
وكلمتة وقالي انهم بيجيبوا لحمة مستوردة وان لازم يكون في ضمير وان دة أكل ناس
المهم
والحمد لله
كعادة سمير محترم ههههه نصحتة انة يعمل يافطة ويكتب عليها اسعار رخيصة علشان الناس الغلابة تعرف ان في حاجات في امكانهم يشتروها
وطبعا لقيتو عامل منيو
بيتزا وفطير وحوواشي
وسألتة هل ممكن اي حد يتعلم الشغلانة قالي ايوة في خلال شهر
ممكن تتفق او تطلب من اي صنايعي يعلمك
تفرد العجين وتعمل بيتزا او فطير او حوواشي
عاوز اقولكم ان مفيش حد في المنطقة عندنا نهائيا بيعمل حوواوشي بالطعم دة والجمال دة
والسعر دة
ربنا يكرمة
وسعر الفطير رخيص طلبة وهما طالعين من مدارس او دروس
عامل فطير بالسكر وفي بالجبنة وفي بالمربي وفي بالعسل
وفي نوع بالشيكولاتة دي بإتنين جنية
مشروع جميل
اتمني الناس تفكر في فكرة زي
مطعم فطير وبيتزا وحوواشي
كلمونا عن مشاريع ناجحة جنبكم
ربنا يوسع عليكم جميعا ويرزقكم جميعا ويبارك لكم جميعا
جزاكم الله خيرا
والسلام عليكم ورحمة الله وبركاتة
اخوكم الصغير
#سمير_محترم
1 التعليقات
والله عايز افتح المشروع ده وعايز حد يساعدني فيه لو امكن
ردحذف