مشكلة كل شاب في مصر .....(التنسيق والتعيين)

مشكلة كل شاب في مصر التنسيق والتعيين


السلام عليكم ورحمة الله وبركاتة
الحمد لله رب العالمين والصلاة والسلام علي رسول الله محمد صل الله علية وسلم 

بنوصف المشكلة علشان نفكر سوا في افكار جديدة خارج الصندوق  علشان الجيل الجديد  ميعانيش نفس معاناة جيلنا الحالي


مشكلة اي شاب في مصر ويمكن في الوطن العربي كلة هما مشكلتين التنسيق والتعيين
1- اول حاجة او اول مشكلة بتقابل الشاب في حياتة هي مجموعة في الثانوية العامة
والتنسيق ليقابل اول مشكلة انة ممكن يدخل كلية مبيحبهاش
2- او يدخل الكلية الي بيحبها بس بتكون كليات خاصة  وممكن ميكونش معاة فلوس يدخل كلية خاصة دي  او والدة او اهلة ناس غلابة علي ادهم
3- بعد ما يتخرج
تقابلة مشكلة ان مفيش تعيين
4- يبدأ يدور علي اي شغل فيشتغل شغلانة مبيحبهاش  ويقدم تنازلات انة يشتغل اي حاجة ومش شرط مؤهلة دراسي الي قعد سنين يدرس فية
5- ولو حتي اشتغل المرتب ميكفيش  علشان يعرف يحوش علشان يعرف يجيب شقة علشان يعرف يتجوز
6- تقابلة مشكلة التفكير انة يسافر برة  يلاقي نفسة مش عارف يسافر
اما مفيش فلوس يسافر وتمن تذكرة والفيزا وعقد عمل
وفي ناس بتستلف فلوس علشان تسافر  وناس بتفكر في هجرة غير شرعية وممكن تغرق وتموت في المراكب  وناس تفكر تتجوز واحدة اجنبية او تقدم علي كلية في الخارج بيدور علي فرصة واي طريقة انة يسافر لية ؟
علشان يلاقي شغل 
علشان يلاقي حاجة يعرف يزود بيها دخلة
7- وطبعا لو اشتغل اي شغل  بيبقي الشغل حاجة  والدراسة الي درسها دي حاجة تانية خالص يعني دايما كل الناس تقولك الشغل العملي بيختلف تماما عن ما درسناة 
يعني الدراسة بتختلف عن احتياجات سوق العمل
8- بيتخرج ويكتشف انة غير مؤهل لسوق العمل يعني لسة محتاج دورات ولسة محتاج كورسات اشي انجليزي واشي كمبيوتر واشي فوتو شوب علشان  يلاقي حد يقبل يبص في وشة
9- يبدا يفكر في مشروع  فميلاقيش معاة رأس مال ويبقي محتاس مش عارف يجيب فلوس منين ويبقي خايف من موضوع القروض انة ياخد قرض والمشروع يفشل وميعرفش يسدد فيعرض نفسة للسجن
دة غير ناس كتير تنصحة بلاش قروض عليها فوائد يا بني دة ربا يابني
10- يا اما معاة فلوس من ورث او والدة او والدتة هيساعدوة بفلوس  اهلة اغنيا
وهنا تقابلة مشكلة انة مش عارف يعمل مشروع اية ؟؟؟ومين يقف معاة مين يساعدة
مين يعلمة ؟ مين يدربة ؟

الشهادة نعمل بيها اية ؟؟؟ لا منو اتعينت  ولا منو عارف تعمل بيها اية ؟
هل هي برستيج ومظهر اجتماعي ؟؟؟
ولا علشان تعلقها علي الحيطة ؟؟؟؟
ولا علشان تتجوز بيها ؟؟؟

يجب ان الدراسة يكون فيها حلول وافكار جديدة للشاب بحيث انة لو ملقاش تعيين 
يعرف يشتغل اي حاجة تانية ويعرف يعمل  او ينفذ اي مشروع 
لوحدة او هو وزملائة وعمل شراكة مشروع يعملوة كشركة 

خسارة الفلوس الي بتتصرف من ناحية الدولة  ومصاريف بتصرفها دولة علي اولادها مواصلات ووقت ومجهود وسنين علشان شهادة لا بتشتغل بيها ولا بتتعين بيها 
ودة يعتبر اهدار للمال العام 

عاوزين نوصل لمرحلة ان الشاب يدرس حاجة بيحبها فيشتغل حاجة بيحبها فيبقي في انتاج وافكار جديدة وتطوير ونمو وتقدم وانتاج واستثمارات 

دور الحكومة مهم جدا 
افكار دراسات جدوي تدريب  تمويل 
تكاتف بين وزارة قوي عاملة ووزارة استثمار والبنوك والصندوق الإجتماعي للتنمية 
جزاكم الله خيرا 
والسلام عليكم ورحمة الله وبركاتة 
اخوكم الصغير 
#سمير_محترم