قاموس المشاريع الصغيرة اختار ما يناسبك

السلام عليكم ورحمة الله وبركاتة

الحمد لله رب العالمين والصلاة والسلام علي رسول الله محمد صل الله علية وسلم

طول عمري حلم حياتي اني اساعد او اساهم او يكون ليا دور في حل مشكلة البطالة

وكنت بحلم اكون زي طلعت حربرجل اقتصاد ممتاز بني مصانع وشركات

المهم

اغلبية الناس الي عاوزين يعملوا مشاريع هما تلات حاجات وهما ملخص البطالة

1- فكرة مشروع 2- دراسة جدوي للمشروع

3- تدريب او ازاي ابدء وانفذ علي ارض الواقع زي نجيب معدات او ادوات او خامات منين بسعر جملة

وبناءا علية كانت اول محاولة ليا عملت حملة او صفحة علي الفيس

اسمها ساعد اخوك وعلمة الصيد الي بعج كدة تحولت الي فريق متطوعين شباب مصر لحل مشكلة البطالة

لأن حلمي ان اوصل للمسؤلين حد من الحكومة ينفذ الفكرة وتنجح وتنشتر في باقي المحافظات

المهم لما لقيت اني مش عارف اوصل للحكومة قررت اني احاول احل مشكلة البطالة لوحدي بالفكرة دي

انت كمان

وكل واحد مننا يقدر يعمل خير ويقدر يحارب لوحدة ويقدر يساعد الشباب والناس

وتقدر تخدم وتساعد بلدك من غير الحكومة

المهم علشان مطولش عليكم وكان احد احلامي اننا نعمل كتاب ونسمية قاموس المشاريع

ودة الناس او الشباب المقبل علي عمل مشروع يقراة ويشوف المناسب لية ولدراستة ورأس مال متوفر معاة

المهم

اي حد عندة اي افكار مشاريع ياريت يزودها معانا ويعتبرها صدقة جارية عن علمة او مشروعة

ساعد الشباب ولو بفكرة مشروع والله كتير كتير كتير معاة فلوس ومش عارف يعمل مشروع اية او بيفكر او محتاس

فيمكن لما يقرا قاموس مشاريع تعجبة فكرة ويبدأ ينفذها

انا عارف ان كلها

#احلام

وكلها شوية تجارب ومحاولات

ويجب اننا منيأسش

جزاكم الله خيرا

والسلام عليكم ورحمة الله وبركاتة

اخوكم الصغير

#سمير_محترم

متنساش قبل ما تمشي زود معانا فكرة مشروع ولو تعرف تساعد الشباب في تنفيذ المشروع دة اكتب جنبة مستعد للمساعدة في تنفيذ المشروع

قاموس المشاريع دة ان شاء الله كلنا هنستفاد منة

انا ممكن اقول فكرة جديدة بالنسبة لك وانت ممكن تقول فكرة جديدة بالنسبة لي

توكلنا علي الله واتمني تحويل حلم وفكرة قاموس المشاريع الي موقع إلكتروني وكتاب ارجو عدم التعليق بأي شيئ اخر غير أفكار مشاريع - مطعم كشري 11- حضانة أطفال 12-كافية إسلامي 2- سوبر ماركت 3- مطعم فول وطعمية 4محل عطارة 5- مغسلة سيارات 6- مقلة لب وسوداني 7- شواية سمك 8- محل فراخ وطيور 9- ملعب كرة قدم 10-محل منظفات 13- محل بيع منتجات اكياس بلاستيك واطباق فويل وكوبايات 14- توزيع تجيب تروسكل او عربية نقل تمناية وتوزع اي حاجة ادوية او منظفات او مواد غذائية او اكياس بجميع انواعها 15- محلات ملابس بجميع انواعها اطفالي رجالي نسائي 16- محل عطور 17- محل دهب صيني 18- محل بيع موبايلات واكسسوارات محمول وكروت شحن ومشروع ماكينة فوري 19- محل بيع اكسسوارات كمبيوتر وصيانتها 20- مشروع تربية دود القز وانتاج الحرير الطبيعي ومعانا بالجروب بيمضوا معاك عقد يشتروا منك الإنتاج الي هو الدود لما يتحول لبيض

21- مشروع توك توك 22- مشروع تروسكل للنقل او التوزيع 23- مشاريع تربية زي فراخ ارانب بط سمان ماعز ماشية 24- مشروع مغسلة ومكوي للملابس غسيل وإستلام في نفس اليوم

25- مشروع عربية نقل لنقل ورفع وإنزال الأاثاث خصوصا مع كثرة العمارات والأدوار العليا

26- مشروع محل اي حاجة ب 2.5 27- مشروع مكتبة ادوات دراسية وماكينة تصوير 28- مطعم كشري وفراخ مشوية

29- محل عصائر عصير قصب ومانجا وسوبيا وتمر هندي 30-في مطعم مشويات وسندوتشات كفتة وسجق وهمبرجر 31- صالة جيم رياضي

32- مكتبة

33-هل في محل بيتزا وفطير بيبقي شغال ممتاز طيب شوفت منطقة اية مشاريع الي فيها والمنطقة ناقصها او محتاجة مشروع اية ؟؟؟

34-فرن عيش ومخبوزات فينو 35-في فرن عيش سياحي الرغيف بخمسين قرش بيبقي شغال برضو ومطلوب حاول تشوف المنطقة محتاجة لإية او ناقصها اية

هل مثلا

انا متابع مع حضرتك وفي انتظارك تطمني وبالتوفيق يارب

جزاكم الله خيرا
والسلام عيلكم ورحمة الله وبركاتة