الحمد لله رب العالمين والصلاة والسلام علي رسول الله محمد صل الله علية وسلم
كتير جدا بتقابلة مشكلة انة محتار ومش عارف يعمل مشروع اية ؟
هننصحك بنصيحة
حاول علي اد ما تقدر تعمل بالنصيحة دي
وبلغنا بالنتيجة ووصلت لإية ؟؟؟
مشروعك هو انك توفر للناس الحاجة الي محتاجين لها
الحاجة الي بيدوروا عليها
الحاجة الي عايزنها
سواء بقي خدمة او محل
حاول توصل للحاجات الي الناس بتدور عليها وانت توفرها ليهم
من خلال قرايتك لمواقع وللمنتديات وللاخبار
من خلال كلامك مع اصحابك ومع الجيران ومع القرايب
دور في جروبات مشاريع وهات ورقة وقلم او كراسة او كشكول او اجندة واكتب الناس بتسأل عن اية
وحاول انت توفرة
حاول توصل للحاجات الي كتير بيسألوا عنها ومطلوبة
هنا ان شاء الله
نقولك مبروك انت وصلت لفكرة مشروع جديدة
نقول مثال مثلا
قريت مرة في الجروب اخت منزلة فكرة مشروع واحد امريكي شاب كان غلبان
وكان واقف في طابور وجة واحد كان عاوز يمشي بسرعة ومستعجل جدا ومستعد يدفع فلوس
المهم ان الأتنين اتفقوا مع بعض الراجل المستعجل مستعد يدفع مثلا 50 جنية بس يبقي في دور ودام ويخلص بسرعة
المهم الراجل الشاب الأمريكي دة كان غلبان جدا من الفكرة دي
شغل شباب كتير معاة وعمل وأسس شركة خدمات يبعتلك شاب يقف مكانك في الطابور ويحجز لك دور بدل ما تقف وقت كبير او ساعات كتير وبمقابل مادي
الي عاوز اقولة دور علي مشكلة بيعاني منها الناس وفكر لها في حل كدة تبقي وصلت لفكرة مشروع جديدة وهايلة وممتازة ومطلوبة وناجحة
مثلا لقيت اهل منطقة بيشتكوا من كتر وجود الزبالة في الشارع
فكر انت ومجموعة من زملائك واعمل شركة جمع قمامة ونظافة وتاخد من كل شقة في الشهر وليكن 10 جنية
تيخل كل عمارة فيها كام شقة ؟؟؟ وتخيل منطقتك فيها كام عمارة ؟؟؟ وبلاش منطقتك
تخيل الشارع الي انتا فية بس فية كام عمارة
واضرب عدد العمارات في عدد الشقق في 10 جنية من كل شقة
وتبقي صاحببزنس او صاحب مشروع او صاحب شركة
من خلال تفكيرك في حل اي مشكلة حولك او محيطة بيك في شارعك مع قرايبك مع اصحابك
مع جيرانك
في فصلك
في كليتك
في مدرستك
في شغلك
تفكيرك في حل لأي مشكلة ممكن يتحول لمشروع وبزنس وتبقي صاحب مشروع وصاحب شغل وصاحب بزنس
زي برضو الي فكر ان ستات البيوت مشغولة ومش فاضية الستات العاملة
وعمل لهم أكل بيتي ومشروع أخر الخضار الجاهز علي الطبخ وبيلف علي مدارس ومستشفيات ومصالح حكومية
فكر
وان شاء الله هتوصل
وفي انتظارك تطمنا
وان شاء الله
مبروك مقدما
وبالتوفيق يارب
جزاكم الله خيرا
والسلام عليكم ورحمة الله وبركاتة
اخوكم الصغير
#سمير_محترم
0 التعليقات
