طريقة عمل زبادي بلدي لايت (مشروع زبادي بلدي لايت فكرة جديدة )

طريقة عمل زبادي بلدي لايت  (مشروع زبادي بلدي لايت فكرة جديدة )
السلام عليكم ورحمة الله وبركاتة
الحمد لله والصلاة والسلام علي رسول الله محمد صل الله علية وسلم
بندور علي اي افكار جديدة في جميع المجالات ونحاول نزودها مع حضراتكم
دلوقت الناس الي بتعمل رجيم  والي عاوزة تخس كتير جدا
وبقي كلة بيدور علي اي حاجة تكون لايت  يعني خفيفة الدسم او بدون سكر  يعني بيور
يعني الناس بقت عاوزة عصير بيور
لبن خالي الدسم
زبادي لايت  او خالي الدسم
جبنة لايت

والي بيعمل منتج دة الناس بتطلبة بالإسم

وفي كتير بيحب الزبادي البلدي عن المبستر او المعبأ زي جهينة او المراعي

الفكرة الجديدة هي انك تعمل زبادي بلدي لايت
سواء في البيت لأسرتك او  لو كنت صاحب معمل زبادي فممكن تزود فكرة جديدة
اعمل علب جديدة بلون مختلف وليكن احمر  واكتب عليها زبادي بلدي لايت او خالي الدسم
وان شاء الله
هتلاقي علية إقبال  لان في كتير بيعمل رجيم
بالنسبة للينك تتعلم طريقة عمل الزبادي بلدي لايت او خفيف او خالي الدسم
من قناة مطبخ ماما
1- اغلي اللبن
2- ضعة في التلاجة
3- شيل الوش من علية "القشطة"
4- سخن اللبن بحيث يكون دافي  فقط "دمعة العين"

ثم تكمل طريقة عمل الزبادي عادي بوضع كوب زبادي ثم وضعة بالحضانة او جهاز او تسخن فرن البوتوجاز ربع ساعة ثم تطفأ النار
وتضع الزبادي في علب خلال 4 ساعات بيكون اصبح زبادي جميل وضعة بالتلاجة  وبالهناء والشفاء

جزاكم الله خيرا 
والسلام عليكم ورحمة الله وبركاتة 
اخوكم الصغير 
#سمير_محترم