السلام عليكم ورحمة الله وبركاتة
الحمد لله والصلاة والسلام علي رسول الله محمد صل الله علية وسلم
الفكرة بإختصار شديد علشان مطولش علي حضراتكم
هي فكرة مشروع شركة هتكون الوسيط بيت اتنين بين حد معاة فلوس عاوز يشغلها
فبنشتري لية ماكينة فشار او غزل بنات او جيلاتي
وبين اي شاب عاوز يعمل المشروع دة بس معهوش فلوس فبنجيب لة ماكينة الفشار او غزل البنات
المهم يكون عندة مكان هيقف بالماكينة فية يكون قريب من مدارس او نادي او منطقة فيها سنتر او دروس او جنب سينما مثلا او داخل الجامعة او جنب مكان بة كليات
ويتم الإتفاق علي تقسيم الربح بالنسبة او بالمشاركة او بتأجير الماكينة بمبلغ شهري
وبنستلم الإيجار ونسلمة لصاحب الماكينة الي دفع فلوسها
ويبقي لينا كشركة وسيط بين الطرفين هامش ربح وليكن 5%
الموضوع كلة عبارة عن مجرد فكرة
وانا راجل بحب اطرح الأفكار دايما ومبخبهاش
واحب دايما اعرف رأي الناس في الأفكار سواء فكرة جيدة او لو في مميزات للفكرة او اي عيوب
اتمني ان اعرف اراء اعضاء الجروب معانا
واتمني ان يكون تنفيذ الفكرة ان شاء الله في اطار قانوني
واحب اعرفكم بإستاذ محمد فضل دة تاجر ماكينات فشار وغزل بنات وبيبعهم
وبيوصلهم لجميع المحافظات عن طريق شركات الشحن
واتمني ايضا ان يبقي تدريب علي صيانة ماكينات الفشار وغزل البنات
بحيث يبقي معانا فريق عمل علي مستوي محافظات مصر
ياريت الناس تسيب في التعليقات حاجتين
1- لو ناس مستعدة تشارك معانا في المشروع دة
2- لو في اي شاب محتاج لماكينة فشار او غزل بنات وعندة مكان يشغلهم فية يبلغنا
جزاكم الله خيرا
والسلام عليكم ورحمة الله وبركاتة
اخوكم الصغير
#سمير_محترم
1 التعليقات
انا نفسي اعمل المشروع دا بس عايز حد فاااهم
ردحذف